Bildiyimiz kimi məzuniyyət geniş anlayışdır. Bu məqaləmizdə biz “əsas əmək məzuniyyətinin müddəti barədə” bəhs edəcəyik.

İlk öncə qeyd edək ki, Məzuniyyətin aşağıdakı növləri var:

1. əmək məzuniyyəti (əsas və əlavə)
2. təhsil və yaradıcılıq məzuniyyəti
3. sosial məzuniyyət
4. ödənişsiz məzuniyyət
5. digər məzuniyyətlər

Əsas əmək məzuniyyətinin minimum müddəti 21 gündür. Aşağıda sadalanan işçilərə əmək məzuniyyəti 30 gündən az olmamalıdır (Əmək Məcəlləsi və Bütün sahələr üçün ümumi olan qulluqçu vəzifələrinin Vahid Tarif-İxtisas Sorğu Kitabçası):

• kənd təsərrüfatı məhsullarının istehsalında çalışan işçilərə;
• məsul vəzifələrdə (vəzifənin məsulluğu işin xüsusiyyətləri nəzərə alınmaqla işəgötürən tərəfindən müəyyən edilir) qulluq keçən dövlət qulluqçularına, müəssisənin rəhbər işçilərinə və mütəxəssislərinə;
• Bütün sahələrdə olan rəhbərlər
• İdarə, təşkilat, müəssisə rəhbəri, Baş mütəxəssislər, Baş  iqtisadçı, Baş  mühəndis, Baş texnoloq, Baş  mexanik, Baş  konstruktor, Baş  mühasib, Menecer (baş menecer də daxil olmaqla), Şöbə rəisi (müdiri), Sex rəisi, Sahə (növbə) rəisi, İş icraçısı (böyük iş icraçısı da daxil edilməklə), Sahə ustası, usta (böyük usta da daxil edilməklə), Təsərrüfat şöbəsinin rəisi, Dəftərxana müdiri, Anbar müdiri, kirayə məntəqəsinin müdiri, Arxiv müdiri, Ekspedisiya müdiri, Mətnlərin kompüter (makina) yığımı bürosunun müdiri, Surətçıxarma, çoxaltma bürosunun müdiri, Təsərrüfat müdiri, Fotolaboratoriya müdiri, Buraxılış bürosunun müdiri, Mühafizə kamerasının müdiri.
• Bütün sahələrdən olan mütəxəssislər
• Konstruktor, Texnoloq, Patentşünas, Mühəndis-proqramlaşdırıcı,
  Elektronçu, Rəssam-konstruktor (dizayner), Rəssam, Memar, Referent, Mühasib-təftişçi, Mühəndis (müxtəlif ixtisaslardan və adlardan olan mühəndislər), İqtisadçı (müxtəlif ixtisaslardan və adlardan olan iqtisadçılar), Əmtəəşünas, Riyaziyyatçı, Psixoloq, Sosioloq, Fizioloq, Tərcüməçi, Tərcüməçi-daktiloloq, Hüquq-məsləhətçisi, Redaktor, Mühasib, Kadrlar üzrə mütəxəssis, Texnik (böyük texnik də daxil edilməklə bütün ixtisaslardan və adlardan olan texnıklər), Müfəttiş (böyük müfəttiş də daxil olmaqla), Laborant(böyük laborant da daxil olmaqla), Dispetçer; əlaqələndirici (böyük də daxil olmaqla).
• Bütün sahələrdən olan texniki icraçılar (digər qulluqçular)
• Kompüter operatoru, Stenoqrafçı, Statistik, Katib-stenoqrafçı, İnkassator (böyük inkassator da daxil olmaqla), Sığorta agenti, Xəzinədar (böyük xəzinədar da daxil olmaqla), Arxivçi, Yüklərin daşınması üzrə ekspeditor, Makinaçı, Hesabdar, Çertyojçu, Katib, Katib-makinaçı, Kargüzar, Agent, Uçotçu, Naryadçı, Tabelçi, Ekspeditor, Buraxılış bürosunun növbətçisi, Texniki sənədlərin surətini çıxaran.
• xüsusi təhsilmüəssisələri istisna olmaqla, təhsil müəssisəsində pedaqoji iş aparmayan rəhbər işçilərə və inzibati-tədris heyəti işçilərinə, habelə məktəbdənkənar uşaq müəssisələrinin rəhbərlərinə;
• təhsil müəssisələrinin metodistlərinə, baş ustalarına, istehsalat təlimi ustalarına, təlimatçılarına, kitabxanaçılarına, laborantlarına, emalatxana rəhbərlərinə, dayələrə, dəyişək xidmətçilərinə, bədii rəhbərlərinə;
• elmi dərəcəsi olmayan elmi işçilərə;
• həkimlərə, orta tibb işçilərinə və əczaçılara;

Bundan əlavə yaşı 15-16 olan işçilərə, Orqanizmin funksiyalarının pozulması faizindən, səbəbindən və müddətindən asılı olmayaraq işləyən əlilliyi olan işçilərə, uşaq evlərinin, məktəbəqədər təhsil müəssisələrinin rəhbər işçilərinə, tərbiyəçilərinə, tərbiyəçi-müəllimlərinə, metodistlərə, defektoloqlara, loqopedlərə, musiqi rəhbərlərinə, psixoloqlara, metodika kabinetlərinin və mərkəzlərinin rəhbərlərinə, metodistlərinə və təlimatçılarına, ümumi təyinatlı internat tipli ümumtəhsil məktəblərinin, internat tipli liseylərin, internat tipli gimnaziyaların, inteqrasiya təlimli internat tipli ümumtəhsil məktəblərinin, xüsusi ümumtəhsil məktəblərinin, internat tipli xüsusi ümumtəhsil məktəblərinin və internat tipli sanator ümumtəhsil məktəblərinin tərbiyəçilərinə, məktəbdənkənar uşaq müəssisələrinin dərnək rəhbərlərinə, kütləvi işçilərinə, məşqçi müəllimlərə, elmi müəssisə və təşkilatların, habelə ali təhsil müəssisələrinin elmi tədqiqat bölmələrinin fəlsəfə doktoru elmi dərəcəsi olan əməkdaşlarına, rəhbərlərinə və onların elmi işlər üzrə müavinlərinə, elmi katiblərinə, Teatr-tamaşa müəssisələrinin, televiziya, radio və kinematoqrafiya qurumlarının bədii və artist heyətlərinə əsas məzuniyyət 42 gündən az olmayaraq verilməlidir.

Yaşı 16-18 olan işçilərin, bilavasitə səhnəyə xidmət edən işçilərin əsas məzuniyyət hüququ 35 gündür.

Aşağıdakı işçilərə əmək məzuniyyəti 56 təqvim günü müddətində verilməlidir:

• illik normanın üçdə bir hissəsindən az olmamaqla pedaqoji iş aparan təhsil müəssisələrinin rəhbər işçilərinə, tərbiyəçilərinə, təlimatçılarına, dərnək və musiqi rəhbərlərinə, konsertmeysterlərə, akkompaniatorlara, xormeysterlərə və başqa musiqi işçilərinə;
• bütün ixtisas və adlardan olan müəllimlərə (məşqçi müəllimlərdən başqa);
• uşaq birliyi rəhbərlərinə, magistrlərinə, praktik psixoloqlara, loqopedlərə, surdopedaqoqlara;
• təhsil müəssisələrinin tərbiyəçilərinə (ümumi təyinatlı internat tipli ümumtəhsil məktəblərinin, internat tipli liseylərin, internat tipli gimnaziyaların, inteqrasiya təlimli internat tipli ümumtəhsil məktəblərinin, xüsusi ümumtəhsil məktəblərinin, internat tipli xüsusi ümumtəhsil məktəblərinin və internat tipli sanator ümumtəhsil məktəblərinin tərbiyəçilərindən başqa) eşitmə kabinetlərinin təlimatçılarına, dərnək rəhbərlərinə, hərbi rəhbərlərə, bədən tərbiyəsi rəhbərlərinə;
• sosial müdafiə orqanlarının və tibb müəssisələrininbilavasitə pedaqoji fəaliyyətlə məşğul olan işçilərinə;
• elmi müəssisə və təşkilatların, habelə ali təhsil müəssisələrininelmi tədqiqat bölmələrinin elmlər doktoru elmi dərəcəsi olan əməkdaşlarına, rəhbərlərinə və onların elmi işlər üzrə müavinlərinə, elmi katiblərinə;
• müvafiq elmi şuranın qərarı əsasında müstəqil elmi tədqiqat işləri aparan elmi işçilərə.

Azərbaycan Respublikasının azadlığı, suverenliyi və ərazi bütövlüyü uğrunda xəsarət (yaralanma, travma, kontuziya) alan işçilərə, Azərbaycan Respublikasının Vətən Müharibəsi Qəhrəmanlarına, Azərbaycanın Milli Qəhrəmanlarına, Sovet İttifaqı Qəhrəmanlarına, 1941-1945-ci illər müharibəsində döyüş əməliyyatlarında iştirak etmiş, habelə hərbi xidmətdə olmuş, lakin döyüş əməliyyatlarında iştirak etməmiş hərbi qulluqçulara, İstiqlal ordeni ilə, habelə Azərbaycan Respublikasının suverenliyi və ərazi bütövlüyünün müdafiəsi ilə bağlı digər dövlət təltifləri ilə təltif olunmuş işçilərə məzuniyyət 46 təqvim günündən az olmayaraq verilir.

 Növbəti hansı mövzu barədə məlumat əldə etmək istəyirsinizsə, aşağıda qeyd etdiyimiz “Sorğu” vasitəsilə bizə bildirməyiniz xahiş olunur.

https://forms.gle/he3TtCKVnS9iapkt5